Şirkətlər qrupu Azərbaycanda əhatə etdiyi fəaliyyət sahələri üzrə 100-dən çox müştəriyə xidmət göstərir.
Qrupa daxil olan şirkətlər öz sahələrində dərin təcrübəyə malikdirlər, bəziləri isə 10 ildən artıqdır fəaliyyət göstərir. Azərlegal Group çoxşaxəli və çoxsahəli biznes portfeli yaratmaq üçün bir peşəkar insan kapitalını araya gətirir və nəticədə onlar arasında strateji idarəetmə və kommunikasiyanı gücləndirir.
Qrup 2014-ci illərin əvvəllərində hüquq və mühasibatlıq sahəsində yaradılmış şirkətlər vasitəsilə yerli bazar iştirakçılarına xidmət göstərməyə başladı. Groupun sonrakı dövrlərdə cəlb etdiyi investisiyalar isə onun sürətlə böyümə və genişlənməsinə səbəb oldu.
Azərlegal Group 2018-ci ildə fərdi və korporativ müştərilərinə xidmət göstərmək üçün Azərlegal Groupun tərkibində beynəlxalq yük daşımaları istiqamətini yaradaraq portfelini genişləndirdi.
Group həmçinin yerli bazarda bir çox innovativ həllər və etibarlı xidmətlər təqdim edən müxtəlif yüksək texnologiyalı startapların hüquqlarının qorunması istiqamətində hüquqi məsləhət xidməti göstərməkdədir.
İnsan kapitalına olan yatırımlarımız sayəsində bu gün törəmə şirkətlərimizdə hər il təkmilləşmə kurslarında özlərini inkişaf etdirən peşəkar mütəxəssislər çalışmaqdadır. Bu da gələcəkdə Azərlegal Group olaraq müxtəlif biznes sahələrinə daxil olmaqla biznes fəaliyyətimizi genişləndirməyə imkan yaradacaq.
- Yerli marka
Biz dünyada iqtisadi, siyasi və coğrafi olaraq öz mövqeyini möhkəmləndirən ölkəmizdə yerli bazar iştirakçılarına xidmət göstərəcək yerli markaya çevrilməkdə maraqlıyıq. Bunun üçün qabaqcıl idarəetmə mexanizmləri və kadr siyasətimizi daim təkmilləşdiririk.
- Sahibkarlığın inkişafı
Əhatə etdiyimiz və bundan sonra fəaliyyət göstərəcəyimiz digər sahələrdə yerli bazar iştirakçılarını qorumaq və sahibkarlığın inkişafına dəstək olmağa çalışırıq. Böyümə və inkişaf etmə zəncirinin bütün mərhələlərinin başlanğıcında qarşılıqlı fayda dayandığını düşünürük.
- Bazar payı
Biz yerli bazarda keyfiyyətli xidmət göstərmək, sahibkarları üzləşdiyi çətinliklərdən xilas etməklə bazar payımızı artırmağı qarşımıza məqsəd qoymuşuq. Bunun üçün də bazarda baş verən dəyişiklikləri izləyir, birjada uğurlu ticarət edən treyderlər kimi proqnoz etdiyimiz nöqtələrə yatırımlar edirik.
- Maarifləndirmək
Daha çox loyal müştəri və gəlir əldə etmək üçün əməkdaşlıq etdiyimiz fərdi və korporativ müştərilərimizi daim maarifləndiririk. Bununla da mövcud əməkdaşlıqlarımızı həm yeni mərhələyə qaldırır, həm də onları ata biləcəkləri yanlış addımlardan qoruyuruq.
Dəyərlərimiz
- Dürüstlük
Fəaliyyət istiqamətlərimizin əsas hissəsini dürüstlük təşkil edir. Bu meyar qrupun fəaliyyət istiqamətləri genişlənsə də, fərdi və korporativ müştərilərimizlə olan münasibətlərimizin hər mərhələsində dəyişməz olaraq qalacaqdır. Bizim üçün dürüstlük ölkənin qanunlarına sadiq qalmaqdan başlayır və qrupda çalışan əməkdaşlar da daxil olmaqla, cəmiyyətimizin bütün üzvlərinə xitab edir. Bu dəyəri heç bir zaman şəxsi maraq və prinsiplərə qurban verməmək üçün formalaşdırmışıq. Bütün işlərdə dürüstlük birinci bizdən başlamalıdır deyə düşünürük.
- İnsan kapitalı
Bütün uğurlu işlərin başlanğıcında insan kapitalı olduğunu yaxşı anlayırıq. Yerli bazarda təmsil olunan bir qrup olaraq daima insan kapitalına yatırım etməkdəyik. Ətrafımızda cəmləşdirəcəyimiz potensial kadrların bizim inkişafımıza böyük tövhə verəcəklərinə inanır, onlara daim şərait yaradırıq. Biz hər zaman çətinlikləri fürsətə çevirməyi bacaran, üzərinə məsuliyyət götürüb bunun öhdəsindən gələn yeni kadrlar axtarışındayıq. Komandamızda çalışan əməkdaşların hər biri gördükləri işlərə öz şəxsi biznesləri kimi yanaşırlar ki, bu da bizi daha da güclü və uğurlu etməkdədir.
- Ətraf mühit
Biz hər gün təbiətin bizə bəxş etdiyi gözəlliklərdən ilhamlanırıq. Bu gözəlliklərdən hər zaman zövq almağımız üçün təbiətin bir parçası olmağı şirkətimizin əsas dəyərlərindən biri seçmişik. Təbiətə olan sevgi və hörmətimizi qrupun daxilində də tətbiq etmək üçün müxtəlif guşələrdə yaşıllıqların sayını artırmaqda davam edirik. Biz inanırıq ki, əməkdaşlarımızın təbiətlə vəhdəti onların bir-birilərinə və işlərinə olan münasibəti Bizi yeni bir mərhələyə qaldırmağa kömək edəcəkdir. Qrup olaraq ətraf mühitin qorunması və inkişaf etdirilməsi üzrə yaratdığımız bu dəyəri daim inkişaf etdirməkdə maraqlıyıq.
- Müştəri loyallığı
Bu ifadə ilə bir çox yerlərdə qarşılaşsanız da, bizim üçün bu ifadənin fərqli bir fəlsəfəsi vardır. Biz bir müştərimizin belə bizim üçün daha geniş imkanlar yarada biləcəyinə inanır və dəfələrlə bunun şahidi olmuşuq. Fərdi və korporativ müştərilərimizlə uzunmüddətli münasibətlər qurmaq və bu münasibətləri daima inkişaf etdirmək bizim üçün daha dəyərlidir.